八月七日係各位同學最期待既日子，因為謝師宴呀嘛！！我諗有部分既女同學已經一早準備定件靚衫，而我係謝師宴前兩日先買齊衫，差D都唔夠時間呀！！個日三點幾同子源過左石離搵埋KELLY同阿MAY一齊搭的士去馬可勃羅酒店，五點半到左不過去到已緬有好多人都一早到左，到左之後換埋衫跟住再搞搞個頭。七點到D人開始黎啦~MISS同阿SIR都係，見到有D好耐無見既同學(女)真係靚左好多，哈哈！！講下笑咋...八點半到開始啦！！一開始緊係要聽下校長講下野先既...之後就開餐啦~~不過D野食好垃圾呀...食左兩轉已經唔想食啦...跟住當然周圍走同人影相啦！！

係唔係好型仔呢我??哈哈！！我都知係嫁啦~~不過呢晚真係玩得好開心既~~因為可以見番D同學...大家都返緊工...好難有機會會約出黎玩。過左呢晚之後，大家再見面既時候就要係八月四日啦...因為個日係會考放榜，亦即代表住大家要各散東西啦~~返工既返工...讀書既讀書...真係有D唔捨得既...話晒大家都相處左五年係圓玄，當然呢五年期間係有開心同唔開心既事啦~~不過點都好...大家都要面對現實既，人始終都會長大，希望大家會有美好既前途...雖然就黎放榜...不過都唔洗緊張嫁...同埋我希望各位認識FATBOY既同學係有生之年都唔好唔記得我呀！！因為我好驚孤獨咁生活既日子呀！！

返左工都有一個禮拜啦!!不過都唔係太辛苦...因為星期一至五會無咩人去Italian Tomato Cafe度食野...返到去真係無野做...悶到就黎可以坐係度訓呀!!不過到左星期六日就慘啦~~做到人都癲咁...加上我而家開始可以企爐煮野...隻手真係累到無力...不過都好既...學下煮野食...將來做番個住家男都好呀!!星期一開始返早啦~~七點半要返到cafe...唉!!癲嫁!!不過返早都學到好多野既...不過希望快d到出糧個日啦!!因為可以盡情買野呀!!不過我都會儲返d黎為將來既........

經過一個禮拜既搵工行程...終於係今日搵到工啦!!真係異常興奮呀!!唔知聽日第一日返工會係點呢??本人工作地點係荃灣綠揚坊既 Italian Tomato Cafe...係做類似廚房助理咁...大家得閒可以黎捧下埸嫁...係度希望末搵到工既同學可以盡快搵到工啦...如果唔係就要做『隱青』嫁啦~~

會考終於完結啦~~成個人都鬆哂!!不過我好驚D成績好差...雖然係有努力過...不過自己知自己事...會考之後...我諗大家一定都會即刻搵工啦~~不過要搵就要快啦~~遲D就好難有工搵到嫁啦!!

最近個一個禮拜...幾乎日日都係自修室...我都知好多人都會覺得fat boy落會落自修室嫁咩??fat boy會溫書嫁咩??我相信識我d人都會覺得我係唔讀書既人...不過大家都好應該諗深一層...我咁做都係想自己將來條路唔洗行得咁辛苦姐...原來拎個心出黎溫書...真係好辛苦...一唔集中既話...自自然然就會諗左其他野嫁啦~~不過唔知點解次次係自修室走到返到屋企既一段時間...好都會好唔開心...真係唔知點解??唔通...............................

我想問大家一個問題!!人係唔係真係犯賤嫁啦??好多人都會知青衣都有自修室啦...點解fat boy仲要得登走去石陰自修室呢??我相信大家都會認為都係一個原因會令到我去石陰自修室嫁姐...我好坦白講........................係大家諗個個原因

手　願意捐給你拓著頭    眼　看你半世還未夠    習慣守望半天   望你從來都溫暖    想一生看下去   望你不施脂粉多好看   視線跟著你走   最怕看見你抱著決心離開   未來只看著你   得我始終望穿你

我覺得以上呢幾句既歌詞好正...同埋我覺得係睇完之後...會有種心酸既感覺出黎...我好想快d考完會考...搵個知己...可以同我談心!!